მთავარი გვერდი › forums › იურიდიული ფორუმი › სამოქალაქო და სამეწარმეო სამართალი › მემკვიდრეობითი სამართალი
Tagged: ანდერძი, ანდერძისმიერი, კანონით მემკვიდრეობა, კანონისმიერი მემკვიდრე, მემკვიდრე, მემკვიდრეები, მემკვიდრეობა, მემკვიდრეობის მიღება, მეუღლეთა თანასაკუთრება, სავალდებულო წილი, სამკვიდრო, ტრანსმისია
- This topic has 162 replies, 5 voices, and was last updated 9 years, 8 months ago by
BLH.
-
AuthorPosts
-
აგვისტო 4, 2014 at 11:25 #1924
ივერიელიParticipantსამოქალაქო კოდექსის 1423-ე მუხლის მიხედვით „სამკვიდრო მემკვიდრემ შეიძლება მიიღოს პირადად ან წარმომადგენლის მეშვეობით.“
სამკვიდროს მიღება არის ცალმხრივი გარიგება, ანუ სამკვიდროს მიღებისათვის საკმარისია უფლებამოსილი მემკვიდრის ნების გამოვლენა, რომელიც ორი ფორმით შეიძლება გამოვლინდეს: ნოტარიუსისთვის მიმართვის გზით და ფაქტობრივი ფლობით.
შესაბამისად სამკვიდროს ფაქტობრივი ფლობით მიღება შესაძლებელია, მაგ: წარმომადგენელს ავალებ მემკვიდრეობით დატოვებული ბინის გაქირავებას, ან მის მოვლას და ა.შ.
აგვისტო 4, 2014 at 13:52 #1937ივერიელიParticipantსამკვიდროს მიღების ვადის გაგრძელება
(უზენაესი სასამართლოს განჩინება №ას-386-737-07)
“სამართლის ზოგადი პრინციპებიდან გამომდინარე, სამკვიდროს მიღების ვადის გაშვების საპატიოობის ორი მნიშვნელოვანი საფუძველი უნდა განისაზღვროს:
1. თუ მემკვიდრემ არ იცოდა და არც შეიძლება სცოდნოდა სამკვიდროს გახსნის თაობაზე;
2. თუ მემკვიდრემ ვადა რაიმე საპატიო საფუძვლით გაუშვა და მან სასამართლოს ვადის აღდგენის თაობაზე აღნიშნული საფუძვლის აღმოფხვრის შემდეგ მიმართა.
საკასაციო სასამართლო ეთანხმება სააპელაციო სასამართლოს, რომ წარმომადგენლის მიერ მოქმედებათა შეუსრულებლობა თავისთავად არ წარმოადგენს ვადის გაშვების საპატიო მიზეზს. ამასთან, საკასაციო პალატა აღნიშნავს, რომ ვადის გაშვების საპატიოობაზე მსჯელობისას სასამართლომ უნდა გაითვალისწინოს კანონიერი წარმომადგენლის დამოკიდებულება არასრულწლოვანთა უფლებებისა და კანონიერი ინტერესების დაცვის მიმართ. კანონიერი წარმომადგენლის მიერ თავის მოვალეობის არაჯეროვანი შესრულება ან უფლებამოსილების უკანონო გამოყენება შეიძლება გახდეს არასრულწლოვანის მიერ გაშვებული სამკვიდროს მიღების ვადის აღდგენის საფუძველი.”
აგვისტო 4, 2014 at 14:44 #1948EdikaParticipantმემკვიდრეობის მიღების ვადის გაგრძელებასთან დაკავშირებით მნიშვნელოვანია უზენაესი სასამართლოს გადაწყვეტილება N-ას-477-451-2011, სადაც სასამართლომ განმარტა, რომ საპატიო მიზეზის აღმოფხვრისთანავე უნდა იქნას მიმართული დაუყონებლივ სასამართლოსთვის, წინააღმდეგ შემთხვევაში, ვადის გაგრძელება დაუშვებელია.
აგვისტო 4, 2014 at 20:45 #1951ივერიელიParticipantსაინტერესო გადაწყვეტილებაა, იმ ფონზე, რომ ამ საკითხთან დაკავშირებით ასევე არსებობს უზენაესი სასამართლოს მნიშვნელოვალი განმარტება, საქმეზე ას- 177-167-2011:
“საკასაციო სასამართლომ განმარტა, რომ იმის დასადგენად, საპატიო მიზეზით გადააცილა თუ არა მხარემ კანონით დადგენილ ვადას, უნდა შეფასდეს არა მხოლოდ სამკვიდროს მისაღებად დადგენილ დროში სანოტარო ორგანოსთვის მიმართვის ან ქონების დაუფლების შეუძლებლობის ფაქტი, არამედ იმ ვადის საპატიოობაც, რომლითაც მან გადააცილა ამ მოქმედებათა განხორციელების ვადას.”
აგვისტო 4, 2014 at 21:43 #1955BLHKeymasterსამკვიდროს მიღების ვადის გაგრძელება
(უზენაესი სასამართლოს გადაწყვეტილება N-ას-1229-1474-05)
მემკვიდრეება მოითხოვეს სამკვიდროს ვადის გაგრძელება და არ დაკმაყოფილდა მათი მოთხოვნა, შემდეგ კი განაცხადეს, რომ “სამკვიდროს ვადის გაშვება გამოწვეული იქნა იმ გარემოებიდან გამომდინარე, რომ ისინი არ იცნობდნენ კანონმდებლობას და ნაცვლად ფაქტობრივი ფლობით სამკვიდროს მიღებისა მოითხოვეს სამკვიდროს მიღების ვადის გაგრძელება”
უზენაესმა სასამართლომ განაცხადა, რომ აღნიშნული გარემოება ვერ გახდება სარჩელის დაკმაყოფილების საფუძველიო, რადგან :
“სამოქალაქო კოდექსის მესამე მუხლის მეორე ნაწილის თანახმად, კანონის არცოდნა ან მისი არასათანადოდ გაგება არ შეიძლება იყოს კანონის გამოუყენებლობის ანდა ამ კანონით გათვალისწინებული პასუხისმგებლობისაგან განთავისუფლების საფუძველი, ამ ნორმის დათქმიდან გამომდინარე, არ შეიძლება პირი უთითებდეს კანონის არცოდნაზე ან მის არასათანადო გაგებაზე კანონის უცოდინრობის გამო, ვინაიდან კანონის ცოდნის პრეზუმფცია ყველასა და თითოეულზე ვრცელდება.”
აგვისტო 4, 2014 at 22:00 #2663EdikaParticipantსამკვიდროს მიღების ვადის გაგრძელების საპატიო საფუძვლები
უზენაესი სასამართლოს მოცემული გადაწყვეტილებები ეხება სამკვიდროს მიღების ვადის გადაცილების საპატიო მიზეზებს: ას-851-800-2010; ას-89-79-2011; ას-1294-1139-2011; ას-392-372-2011; ას-477-451-2011.
აგვისტო 5, 2014 at 01:46 #2672EdikaParticipantსამკვიდროს მიღების ვადის გადაცილება
(სუსგ. ას-36-36-2012)
უზენაესი სასამართლოს ამ გადაწყვეტილებაში საუბარია იმაზე რომ მემკვიდრე უნდა ეცადოს წარმომადგენლის მეშვეობით მაინც მიიღოს სამკვიდრო თორე არასაპატიოდ ჩაითვლება სამკვიდროს მიღების ვადის გადაცილებაო.
აგვისტო 5, 2014 at 02:00 #31405BLHKeymasterსამკვიდროს მიღების ვადის გადაცილების შედეგები
(სუსგ. №ას-203-196-2012)
სააპელაციო სასამართლოს განმარტება:
სამკვიდროს მიღება ცალმხრივი სამოქალაქო სამართლებრივი გარიგებაა. გარიგება, თავისი სამართლებრივი ბუნებით, არ გულისხმობს მხოლოდ და მხოლოდ პირის ნების ობიექტურად არსებობას გარკვეული სამართალურთიერთობის წარმოშობის, შეცვლის ან შეწყვეტისაკენ, არამედ აუცილებელია, რომ აღნიშნული ნება გამოვლენილ იქნეს. გარკვეულ შემთხვევებში, ნების გამოვლენის ავტონომია კანონისმიერ ჩარჩოებშია მოქცეული. მოცემულ შემთხვევაში, კანონი განამტკიცებს პირის უფლებას, მიიღოს ან არ მიიღოს სამკვიდრო, თუმცა, აწესებს აღნიშნული ნების გამოვლენის ვადასა და წესს.
სამკვიდროს მიღების ნების არსებობის შემთხვევაში, ნება გამოვლენილ უნდა იქნეს სამკვიდროს გახსნიდან 6 თვის განმავლობაში სანოტარო ორგანოსადმი მიმართვით ან ფაქტობრივი დაუფლებით. აღნიშნულ ვადაში სამკვიდროს მიღების ნების გამოუხატველობა ქმნის სამკვიდროს მიღებაზე ნების არარსებობის პრეზუმფციას, შესაბამისად, აღნიშნული ვადის გასვლის შემდეგ ქარწყლდება მემკვიდრის უფლება, სხვა მემკვიდრეების თანხმობის გარეშე მიიღოს სამკვიდრო.
სამკვიდროს მიღების ვადის გასვლის შემდეგ მემკვიდრის უფლება, მიიღოს წილი სამკვიდროდან, დამოკიდებულია ამ სამკვიდროზე უფლებამოსილი მემკვიდრეების ნებართვაზე, ხოლო ასეთის არარსებობის შემთხვევაში – კანონით განსაზღვრულ ვადაში სამკვიდროს მიღების შეუძლებლობის საპატიო მიზეზის არსებობის სასამართლოს მიერ ცნობაზე.
სამკვიდროს მისაღებად კანონით გათვალისწინებული ვადის გაშვების საპატიოდ მიჩნევისათვის საკმარისი არ არის მხოლოდ ამ პერიოდის განმავლობაში მემკვიდრის ნების არსებობაზე აპელირება, არამედ მნიშვნელოვანი და გადამწყვეტია ფორმალური საფუძველი – აღნიშნული ნების გამოვლენის შეუძლებლობის დადასტურება.
სააპელაციო სასამართლომ აღნიშნა, რომ ვადის გაშვების საპატიო საფუძვლები უნდა არსებობდეს სამკვიდროს გახსნიდან 6 თვის განმავლობაში და სამკვიდროს მიღებისათვის კანონით დადგენილი 6 თვიანი ვადის ამოწურვიდან ვადის გაგრძელების მოთხოვნით სასამართლოსათვის მიმართვის თარიღამდე.
დასკვნა: ამდენად, ნების არ გამოვლენა სამკვიდროს გახსნიდან 6 თვის მანძილზე (ნოტარიუსისთვის მიმართვა, ფაქტობრივი ფლობით სამკვიდროს დაუფლება) ქმნის კონკრეტულ სამართლებრივ პრეზუმფციას, რომ პირს არ ჰქონია სამკვიდროს მიღების ნება და ასეთ შემთხვევაში იგი კარგავს სამკვიდროზე უფლებას, ხოლო ამ უფლების აღდგენა შესაძლებელია ორ გამონაკლის შემთხვევაში:
1) სამკვიდროს მიღების ვადის გაგრძელება სასამართლოს მიერ.
2) სხვა მემკვიდრეთა თანხმობა ასეთი მემკვიდრისათვის სამკვიდროს უფლების აღდგენის შესახებ.
აგვისტო 5, 2014 at 02:19 #2677EdikaParticipantარასრულწლოვანი მემკვიდრის მიერ სამკვიდროს მიღების ვადის გადაცილება
(სუსგ. ას-1224-1076-2010)
მოსარჩელემ ვადის გადაცილების საპატიო მიზეზად მიუთითა ის გარემოება რომ როცა მამკვიდრებელი გარდაიცვალა იყო მცირეწლოვანი, ხოლო დედა ფსიქიურად დაავადებული. ხოლო როცა სრულწლოვანი გახდა ბაჟის გადასახდელად არ გააჩნდა თანხა რომ სასამართლოს მეშვეობით გაეგრძელებინა ვადა. სასამართლომ კანონიერი წარმომადგენლის ფსიქიური პრობლემა მიიჩნია ვადის გაშვების საპატიო მიზეზად. იქნებოდა თუ არა საპატიო საფუძველი როცა დედა ფსიქიურად არანაირი პრობლემა არ ააქვს და უბრალოდ თავს არიდებს მოვალეობებს ბოროტად?
აგვისტო 5, 2014 at 04:26 #2679ივერიელიParticipantკი, შესაძლებელია აღნიშნული ყოფილიყო საპატიო საფუძველი, როცა არასრულწლოვანია მემკვიდრე და კანონიერი წარმომადგენელი ბოროტად იყენებს თავის უფლებამოსილებას და არ იღებს სამკვიდროს, მაგრამ მეორე მხრივ ამ არასრულწლოვანსაც აქვს თავისი უფლების დაცვის საშუალება მსგავს შემთხვევაში, ამიტომაც კარგად უნდა გაირკვეს ფაქტობრივი გარემოებები ასეთ შემთხვევაში.
-
AuthorPosts
- You must be logged in to reply to this topic.