Forum Replies Created
-
AuthorPosts
-
BLH
Keymasterშრომითი ურთიერთობის შეჩერების საფუძვლების შეტყობინების ვალდებულება
სუსგ. N-ას-953-1232-09
სააპელაციო სასამართლომ განმარტა, რომ დასაქმებული ვალდებულება აცნობოს დამსაქმებელს შრომითი ურთიერთობის შეჩერების საფუძვლის არსებობის შესახებ.
შრომითი ურთიერთობის შეჩერების საფუძვლებით კანონმდებელი ითვალისწინებს ისეთ ობიექტურ გარემოებებს, რომელიც პირის ნებისაგან დამოუკიდებლად შრომითი ხელშეკრულებით ნაკისრი ვალდებულების სამუშაოს შესრულების შეუძლებლობას იწვევს.
სახელშეკრულებო ურთიერთობის ფარგლებში მხარეები იმყოფებიან სახელშეკრულებო შებოჭვის მდგომარეობაში, მათ შორის შრომითი ურთიერთობის დროსაც. მათ მხრიდან სახელშეკრულებო მოვალეობების შესრულების ცალმხრივად შეწყვეტა დაუშვებელია, გარდა კანონით ან ხელშეკრულებით შეთანხმებული შემთხვევებისა.
სამოქალაქო სამართალი (394-ე მუხლის პირველი ნაწილი) და მათ შორის შრომის სამართალიც (36-ე მუხლი) ითვალისწინებს ვალდებულების შესრულების შეუძლებლობას. კანონი ასეთ შემთხვევაში პირს ვალდებულების დამრღვევად არ რაცხავს და ათავისუფლებს მას სამოქალაქო-სამართლებრივი პასუხისმგებლობისაგან. თუმცა შესრულების შეუძლებლობის შემთხვევაშიც მხარე ვალდებულია, აცნობოს მეორე მხარეს შექმნილ გარემოებათა თაობაზე. ასეთი ვალდებულება მომდინარეობს როგორც სამოქალაქო სამართლის ძირითადი კეთილსინდისიერების პრინციპიდან, ასევე კანონიდანაც, (მაგ: სამოქალაქო კოდექსის 318-ე მუხლი).
დამსაქმებლისათვის ინფორმირება ხელშეკრულების შეჩერების საფუძვლების წარმოშობის თაობაზე შესაძლებელს ხდის, დამსაქმებელმა დროულად იზრუნოს შეჩერებით გამოწვეული უარყოფითი შედეგების აღმოფხვრაზე, თავიდან აირიდოს მოსალოდნელი ზიანი და აუცილებლობის შემთხვევაში, დასაქმებულისათვის დაკისრებული სამუშაოს შესრულება სხვა პირს დაავალოს.
Keymasterშრომითი ურთიერთობის შეჩერება
შრომითი ურთიერთობის შეჩერება არის შრომითი ხელშეკრულებით გათვალისწინებული სამუშაოს დროებით შეუსრულებლობა, რომელიც არ იწვევს შრომითი ურთიერთობის შეწყვეტას.
შრომითი ურთიერთობის შეჩერების საფუძვლები ამომწურავად არის განსაზღვრული შრომითი კოდექსის 36-ე მუხლის მე-2 ნაწილში, მათ შორის აღსანიშნავია: გაფიცვა, ანაზღაურებადი და არაანაზღაურებადი შვებულება, სამხედრო სავალდებულო სამსახური და სხვა.
დამსაქმებლის მიერ შრომითი ურთიერთობის შეჩერების მოთხოვნის შემთხვევაში დამსაქმებელი ვალდებულია შრომითი ურთიერთობა გონივრული ვადით შეაჩეროს. შრომითი ურთიერთობა შეჩერებულად ჩაითვლება მოთხოვნის წარდგენიდან შეჩერების შესაბამისი საფუძვლის აღმოფხვრამდე.
მაგ: როდესაც დასაქმებულს წარმოეშობა შვებულებაზე გასვლის უფლება, მას შეუძლია მოითხოვოს შვებულებაზე გასვლა და მიუთითოს კონკრეტულ თარიღზე, რომლიდანაც იგი გავა შვებულებაზე. დასაქმებული ვალდებული იქნება შეაჩეროს შრომითი ურთიერთობა მოთხოვნილი ვადით.
შრომითი ურთიერთობის შეჩერების შემთხვევაში, დასაქმებულს არ მიეცემა შრომის ანაზღაურება, თუ საქართველოს კანონმდებლობით ან შრომითი ხელშეკრულებით სხვა რამ არ არის განსაზღვრული. მაგ: ანაზღაურებადი შვებულების დროს დასაქმებულს მიეცემა ანაზღაურება.
Keymasterშრომითი ხელშეკრულების შეწყვეტა და შეწყვეტის პროცედურა
შრომის კოდექსის 37-ე მუხლი განსაზღვრავს შრომითი ურთიერთობის შეწყვეტის საფუძვლებს ამომწურავად. დაუშვებელია სხვა რაიმე საფუძვლით შრომითი ხელშეკრულების მოშლა, გარდა შკ-ს 37-ე მუხლის პირველ ნაწილში განსაზღვრული საფუძვლებისა. (იხ. სტატია )
Keymasterშრომის ანაზღაურებასთან დაკავშირებული საკითხები
მოცემულ სტატიაში განხილულია შრომის ანაზღაურებასთან დაკავშირებული საკითხები, კერძოდ რას წარმოადგენს შრომითი ანაზღაურება, პირგასამტეხლო შრომის ანაზღაურების დროულად გადაუხდელობისათვის, შრომის ანაზღაურება იძულებითი მოცდენის შემთხვევაში და შრომის ანაზღაურებიდან დაქვითვა.
KeymasterKeymasterზეგანაკვეთური სამუშაო
დამსაქმებლის მიერ განსაზღვრული სამუშაო დროის ხანგრძლივობა, რომლის განმავლობაშიც დასაქმებული ასრულებს სამუშაოს, არ უნდა აღემატებოდეს კვირაში 40 საათს, 16 -18 წლამდე ასაკის არასრულწლოვანის სამუშაო დროის ხანგრძლივობა არ უნდა აღემატებოდეს კვირაში 36 საათს. 14 – 16 წლამდე ასაკის არასრულწლოვნის სამუშაო დროის ხანგრძლივობა არ უნდა აღემატებოდეს კვირაში 24 საათს.
სამუშაოს მოცულობა, რომელიც აღემატება აღნიშნულ საათებს წარმოადგენს ზეგანაკვეთურ სამუშაო საათებს. (იხ. სტატია )
Keymasterრა არის შრომის შინაგანაწესი?
მოცემულ სტატიაში განხილულია შრომის შინაგანაწესის არსი, მისი შინაარსი, მისი გამოყენების მნიშვნელობა და სხვა საკითხები, რაც დაკავშირებულია შრომის შინაგანაწესთან.
Keymasterრა არის მივლინება
მივლინება არის დამსაქმებლის მიერ დასაქმებულის სამუშაო ადგილის დროებით შეცვლა, სამუშაოსინტერესებიდან გამომდინარე. (იხ. სტატია).
Keymasterგამოსაცდელი ვადით დადებული შრომითი ხელშეკრულების მოშლა
N-ას- 397-370-2010
“საქმეში წარმოდგენილ მოსარჩელეებსა და მოპასუხეს შორის გაფორმებული შრომითი ხელშეკრულებების 1.1. პუნქტით მოსარჩელეები კონკრეტულ სამუშაოზე დასაქმდნენ შრომითი ხელშეკრულების საფუძველზე ექვსთვიანი გამოსაცდელი ვადით. ამავე ხელშეკრულების 6.1.13. პუნქტით, ხელშეკრულების ექვსთვიანი გამოსაცდელი ვადის განმავლობაში დამსაქმებელს შეუძლია, დაითხოვოს პერსონალი მიზეზის დაუსახელებლად. უდავოდ დადგენილია, რომ მოსარჩელეები სამუშაოდან გათავისუფლდნენ გამოსაცდელ ვადაში. შრომის კოდექსის მე-9 მუხლის მეორე პუნქტის თანახმად, დამსაქმებელს უფლება აქვს, გამოსაცდელი ვადის განმავლობაში ნებისმიერ დროს დადოს კანდიდატთან შრომითი ხელშეკრულება ან მოშალოს გამოსაცდელი ვადით დადებული შრომითი ხელშეკრულება. ზემოხსენებული ფაქტობრივი გარემოებების სამართლებრივი შეფასებით, დამსაქმებელს სრული უფლება ჰქონდა, გაეთავისუფლებინა გამოსაცდელი ვადით შერჩეული პირები აღნიშნულ ვადაში ისე, რომ არ მიეთითებინა სამუშაოდან გათავისუფლების საფუძველი.
აღნიშნულიდან გამომდინარე, მოსარჩელეთა მოთხოვნა სამუშაოზე აღდგენისა და თანამდევი იურიდიული შედეგების დადგენის თაობაზე დაუსაბუთებელია და მისი დაკმაყოფილების სამართლებრივი საფუძველი არ არსებობს.”
Keymasterგამოსაცდელი ვადით დაქირავება
შესასრულებელ სამუშაოსთან კანდიდატის შესაბამისობის დადგენის მიზნით, მხარეთა შეთანხმებით, კანდიდატთან შესაძლებელია დაიდოს შრომითი ხელშეკრულება გამოსაცდელი ვადით. იხ. სტატია.
-
AuthorPosts